Dagskrá

Dagskrá Birtu-landssamtaka haustið 2024

Opið hús er annan þriðjudag í mánuði kl:20, oftast á annari hæð kirkjunnar. Fyrirlestrar og skreytingadagur í kjallara kirkjunnar.

10.september – Opið hús

8. október – Opið hús

12.-13. október Hvíldar-og fræðsluhelgi Birtu-Landssamtaka á Hótel Húsafelli.

Njótum hvíldar, fræðslu og samveru.  Sr.Sigurður Arnarson verður með fyrirlestur og kyrrðarstund.  Hildur Gylfadóttir jógakennari leiðir jógaslökun.

Sjá nánari upplýsingar um viðburðinn á facebook síðu Birtu

12.  nóvember – Opið hús og fyrirlestur. Sigrún Sigurðardóttir  hjúkrunarfræðingur og prófessor við Háskólann á Akureyri, fjallar um áföll, afleiðingar þeirra og leiðir til bata.

8. desember /Sunnudagur  kl 13-16 Leiðisskreytingadagur fyrir fjölskyldur félagsmanna.  Fáum leiðbeiningar og aðstoð við skreytingarnar og einnig er boðið upp á jólalegar veitingar og samveru.

14. janúar – Opið hús

11. febrúar – Opið hús

11. mars – Opið hús  og aðalfundur

8. apríl – Opið hús og fyrirlestur

13. maí – Opið hús

Dagskrá Birtu-landssamtaka haustið 2023

Opið hús er annan þriðjudag í mánuði, oftast á annari hæð kirkjunnar, en stundum hittumst við í kjallaranum og stundum í safnaðarheimilinu.

Opið hús-12.september -efri hæð

Opið hús 10.október -efri hæð

Opið hús 14.nóvember -efri hæð

3.desember Leiðisskreytingadagur -kjallari

Aðalfundur Birtu Landssamtaka – Þriðjudaginn 9. maí 2023 kl. 19:00 í Grafarvogskirkju

Dagskrá: 

1. Skýrsla stjórnar um starf samtakanna árið 2022…………………………………………..1 
2. Ársreikningur fyrir 2022 lagður fram – umræður…………………………………………3 
3. Lög Birtu / Breytingar ef á við……………………………………………………………………3 
4. Nýjir stjórnarmenn kynntir ………………………………………………………………………4
5. Önnur mál ……………………………………………………………………………………………..4 

1 Skýrsla stjórnar um starf samtakanna árið 2022-23

Fyrsta opna hús ársins 2022 var haldið að venju annan þriðjudag Janúarmánuðar eða þann 11.  og hafa þau verið annan þriðjudag í mánuði, eða eins og aðstæður hafa leyft þetta árið, fyrir utan sumarmánuðina þrjá; júní, júlí og ágúst. Fundaði stjórnin fyrir opna húsið og fór yfir komandi ár og fleira. 

Fyrst fyrirlestur ársins var svo haldinn þann 5. Apríl. En Sr. Vigfús Bjarni kom til okkar og ræddi við okkur um missinn og sorgina. Vel var mætt á fyrirlesturinn enda alltaf gríðarlega hjálplegt að hlusta á Sr. Vigfús. 

Stjórnarmenn Birtu lögðu sitt á vogarskálarnar í þeirri vinnu sem fór fram vegna sorgarorlofs foreldra. Sendum við inn athugasemdir við frumvarp það sem nú hefur verið samþykkt á alþingi.  

Frá stofnun Birtu Landssamtaka, árið 2012, hafa samtökin haft aðgang að Grafarvogskirkju fyrir opnu húsin, fyrirlestra og aðra viðburði, samtökunum að kostnaðarlausu. Á árinu fór Grafarvogskirkja af stað með söfnun fyrir kaupum á orgeli þar sem fólki gafst kostur á að kaupa pípur í misjöfnum stærðum. Þann 4. Maí 2021, ákvað Stjórn Birtu að gefa tilbaka og styrkti kirkjuna um 100.000kr. fyrir kaupum á orgeli.  Orgelið hefur nú verið sett upp og er komið í fulla ntkun en það þykir hið glæsilegasta. 

Aðalfundur Birtu fór fram þann 11. maí 2022. Þáverandi gjaldkeri Birtu, Selma Olsen gaf ekki kost á sér áfram en óskaði eftir að vera áfram í stjórn.  Ekki var gerð tilheyrandi breyting á gjaldkera og er Selma því enn gjaldkeri samtakanna. 

Reykjavíkurmaraþon Íslandsbanka fór loks fram þann 20. ágúst, eftir að hafa verið aflýst tvö ár í röð sökum Covid-19 faraldursins. 

Birta er eitt af góðgerðarfélögunum sem safnar áheitum í Reykjavíkurmaraþoninu og var engin undantekning það árið.  Hlauparar og stuðningsmenn fengu afhenta boli með Birtumerkinu og ýmsan annan glaðning á bás Birtu á Fit&Run sýningunni fyrir hlaupið. 

Því miður voru ekki margir sem söfnuðu áheitum fyrir Birtu þetta árið, en margt smátt gerir eitt stórt og kunnum við þeim fáu bestu þakkir fyrir. Í ár söfnuðust alls kr.                 – fyrir Birtu. Hvatningarstöð Birtu er við JL húsið þar sem Birtufólk safnast saman og hvetur sitt fólk og aðra. 

26. September hittist stjórnin á vinnufundi á A.Hansen í Hafnarfirði. Þar var farið yfir þau verkefni sem stóðu fyrir dyrum. Mæltist það virkilega vel fyrir og fæddust margar góðar hugmyndir í þeirri vinnu. Annars hafa stjórnarfundir verið haldnir eins og þörf hefur verið.  

Á stjórnarfundi var ákveðið að senda út valkvæðan greiðsluseðil til félagsmanna, einnig var ákveðið að engar breytingar á upphæð gjaldsins yrði þetta árið. Félagsgjaldi er því óbreytt, 3.500 kr.

Fyrsta opna hús vetrarins var svo haldið þann 14. september. 

Útikertastjakar sem Birta lét útbúa á síðasta ári hafa mælst vel fyrir og var og er töluverð eftirspurn eftir kertastjökunum. Félagsmenn fá kertastjaka sér að kostaðarlausu en utanfélagsmenn geta keypt stjaka á kostnaðarverði, sem er um 3500kr. 

Sunnudaginn 20. nóvember, sem var síðasti sunnudagur fyrir fyrsta aðventusunnudag, var svo hinn árlegi leiðisskreytingardagur Birtu. Þóra Grímsdóttir kom með allt efni að vanda og sá til þess að allir gætu gert fallega skreytingu á leiði barnsins síns undir leiðsögn. Heitt súkkulaði og smákökur, kertaljós og jólatónlist fylltu samveruna hlýju. Vel var mætt á viðburðinn en Leiðisskreytingardagurinn er ávallt einn best sótti viðburður Birtu. 

Á síðasta opna húsi ársins, þann 13. Desember fengum við Hjalta Jón Sverrisson sjúkrahúsprest í  heimsókn til okkur, en hann fór með hugljúft erindi fyrir okkur inn í jólahátíðina. 

Stjórn Birtu notaði tækifærið og færði þeim Sveinbirni Bjarnasyni, Pétri Emilssyni og Elínu Björg Birgisdóttur þakklætisvott fyrir þeirra aðkomu að stofnun Birtu og þeirra framlag og stuðning við foreldra sem misst hafa barn skyndilega. Við treystum því að við njótum krafta þeirra áfram þó að þau hafi stigið úr stjórn Birtu. 

Konráð og Sveinbjörn fóru stuttlega yfir aðdraganda og stofnun samtakanna en Birta var stofnuð þann 7. desember 2012 og er því 10 ára um þessar mundir. 

Birta hefur veitt félagsmönnum sínum styrki fyrir Sálfræðiþjónustu, lögfræðiþjónustu, hvíld frá heimili og útför barns/ungmennis. Styrkurinn hefur verið að fjárhæð allt að 50.000,-. Félagið hefur einnig veitt foreldrum sem misst hafa barn erlendis og þarf að standa að flutningi á jarðneskum leyfum til Íslands allt að 200.000 kr. styrk. Félagið á enn töluvert af bolum merktum félaginu, eitthvað af kertastjökum, bæði inni og útistjaka, bæklinga, merki og fána. Þá halda samtökin úti heimasíðu og fyrrnefndum neyðarsíma sem Selma hefur verið með undanfarið ár. 

Birta bauð félagsmönnum á leiksýninguna “Ég Hleyp” í Borgarleikhúsinu þann 27 Mars. Óhætt er að segja að Gísli Örn fór á kostum í þessari sýningu. 

Sýningin fjallar um mann á ónefndum stað sem byrjar að hlaupa eftir barnsmissi. Hann hleypur og hleypur og getur ekki hætt. Hann getur ekki höndlað sorgina með öðrum hætti, á hlaupunum finnst honum hann vera léttur, frjáls og sterkur. Þannig getur hann tjáð sig um missinn, ranglætið og varnarleysið sem hrjáir hann.

2. Ársreikningur lagður fram – umræður og atkvæðagreiðsla 

Selma leggur fram ársreikning og fer yfir sbr. fundargerð aðalfundar dags. 9. maí 2023. 

Skoðunarmaður reikninga hefur verið Þorvaldur Ingi Jónsson og er gerð tillaga um að hann verði svo áfram. Ekki komu fram fleiri tillögur og hann því réttkjörinn. 

3. Lagabreytingar 

Ekki hafa verið lagðar fram tillögur að lagabreytingum. 

4. Nýjir stjórnarmenn kynntir  

Stjórnarmenn Helga Óskarsdóttir, Sesselja Hreinsdóttir, Gunnar Viðar og Elín Björg Jónsdóttir eiga eftir eitt ár af kjörtímabili sínu, þ.e. til 2024. Helga hefur hins vegar óskað eftir fara úr stjórn. 

Stjórnarmenn Helena Rós Sigmarsdóttir, Selma Olsen, Jón Gísli Guðlaugsson og Konráð hafa lokið sínu kjörtímabili.  Elísa Rós Jónsdóttir hefur lokið sínu kjörtímabili sem formaður.  

Helena Rós Sigmarsdóttir, Selma Olsen, Jón Gísli Guðlaugsson gefa ekki kost á sér til áframhaldandi setu í stjórn. En þau hafa setið í stjórn í 5-7 ár. Elísa Rós Jónsdóttir gefur ekki kost á sér til áframhaldandi setu sem formaður samtakanna.   

Kunnum við þeim miklar þakkir fyrir virkilega þarft og óeigingjarnt starf. 

Óskað var eftir umsóknum frá félagsmönnum í stjórn Birtu. 

Linda Sólveig Birgirsdóttir kemur ný inn í stjórn.

Sigríður Ósk Jónsdóttir kemur ný inní stjórn.   

Stjórnin verður svo skipuð eftir aðalfund þennan sbr. fundargerð dags. 9. maí 2023

Aðalstjórn: 

• Linda Sólveig Birgirsdóttir – Formaður –  Verður í stjórn ársins 2024
• Sigríður Ósk Jónsdóttir – Gjaldkeri – Verður í stjórn ársins 2025
• Konráð Halldór Konráðsson. Verður í stjórn til ársins 2025. 
• Sesselja Hreinsdóttir. Verður í stjórn til ársins 2024 
• Elín Björg Jónsdóttir. Verður í stjórn til ársins 2024.  

Varastjórn:  

• Gunnar Viðar Jónsson. Verður í stjórn til ársins 2024

Seta stjórnarmanna er 2 á í senn. 1 ár fyrir formann samtakanna. 

5 Önnur mál! 

Birtu hlotnast styrkur. 

Kærleikssjóður Stefaníu Guðrúnar gefur Birtu fjárstyrk. 

Kærleikssjóðurinn var stofnaður í minningu Stefaníu Guðrúnar Pétursdóttur, sem lést af slysförum á Spáni 27. ágúst 2003, aðeins 18 ára að aldri. Sjóðurinn var stofnaður af foreldrum hennar, þeim Pétri Emilssyni og Sigrúnu Eddu Sigurðardóttur í þeim tilgangi að vinna að kærleika og styrkja þau sem eiga um sárt að binda vegna fráfalls ungmenna af völdum slysa eða sjálfsvíga.  Þess má geta að Pétur og Sigrún komu einnig að stofnun Birtu Landssamtakanna árið 2012.

—————————————————————————————————————————

Aðalfundur Birtu Landssamtaka 

Kæru Birtu félagar,
þriðjudaginn 9. maí 2022 verður aðalfundur Birtu haldinn í Grafarvogskirkju og hefst kl. 19:00.
Í framhaldi fundarins verður haldið opið hús sem hefst kl. 20:00.

Dagskrá aðalfundarins er:
1. Skýrsla stjórnar.
2. Ársreikningur.
3. Kosning stjórnar aðal- og varamanna.
4. Önnur mál

—————-

Opið hús/Fyrirlestur

Bergþóra Ingþórsdóttir verður með fyrirlestur hjá Birtu þriðjudaginn 9. Febrúar kl. 20:00 í Grafarvogskirkju.

Fyrirlestrinum verður einnig streymt á Facebook síðu Birtu.

Bergþóra lauk grunnnámi í félagsráðgjöf sumarið 2020 og lokaverkefni hennar hafði titilinn Frá andláti til sorgar.

• Skiptir máli hvernig andlát ber að þegar kemur að sorgarviðbrögðum aðstandenda?
• Þar skoðaði hún mismunandi sorgarúrvinnslu eftir því hvort andlát eru skyndileg eða hafa fyrirvara.

Bergþóra upplifði áfall þegar hún starfaði sem aupair erlendis, þá 19 ára gömul. Eitt barnanna á heimilinu var langveikt og lést litla stúlkan í svefni eina nóttina. Það var Bergþóra sem kom að stúlkunni.  Hún ákvað að vera áfram hjá fjölskyldunni og vinna úr sorginni með fjölskyldunni.

Hún ætlar að fjalla um ritgerðina sína og aðdragandann að því að hún ákvað að fjalla um missi og mismun á fyrstu viðbrögðum eftir því hvernig andlát ber að.

Við minnum alla á að mæta með grímu og ef til þarf verður fjölda gesta skipt upp í hólf.

Kær kveðja

Stjórn Birtu

————-

Leiðisskreytingadagur 22. Nóvember

 Kæru Birtu félagar,

Sunnudaginn 22. Nóvember er áætlað að vera með leiðisskreytingadaginn okkar. Þar komum við saman, eigum notalega stund og búum til fallega skreytingu á leiði barnanna okkar.

Vegna aðstæðna í þjóðfélaginu og fjöldatakmarkana, þurfum við að dreifa fjöldanum yfir daginn og til að sem flestir komist að, viljum við biðja ykkur um að takmarka fjölda þeirra sem koma úr hverri fjölskyldu, 2-3 úr hverri fjölskyldu væri vænlegast. Athugið að takmarkaður fjöldi er í boði, einungis 20 manns komast að í hvorn tíma.

Tímar sem eru í boði:

1. A) 12:00-13:30
2. B) 13:30-15:00

 Við biðjum ykkur því kæru félagsmenn að skrá ykkur í skjalið hér fyrir neðan.  

https://docs.google.com/document/d/1Y9-rRc8260D9UrHXyoONVWQ7dBePJM7NHjNfqvkj8MQ/edit?usp=sharing

Minnum einnig á að nauðsynlegt er að koma með vírklippur. Og auðvita er grímuskylda

Með kærri kveðju,

Stjórn Birtu

Fyrirlestur
Þriðjudaginn 10. nóvember n.k. kl. 20:00.

Hefur þú misst barn ?

Hrannar Már Ásgeirs Sigrúnarson fjallar af eigin reynslu um skyndilegan barnsmissi og þann styrk sem hægt er að finna eftir slíkt áfall. Hann ætlar að leiða okkur inn í komandi jólahátíð og velta upp áskorunum sem foreldrar geta staðið frammi fyrir.

Fræðsluerindi – leiðbeiningar!
Hægt er að hlusta á fræðsluerindið með því að klikka á þennan hlekk: SMELLTU HÉR
Ef þú ert í tölvu: Klikkaðu á hnappinn „Ask to Join“
Ef þú ert í síma: Klikkaðu á hlekkinn og síminn sækir app til að vera með á fundinum.
Sláðu inn kóða: hdv-kmjw-bgv

Aðeins geta 100 tæki verið tengd við fundinn samtímis þannig að við hvetjum ykkur til að hlusta saman svo að sem flestir geti verið með.
Við erum öll að læra saman á breyttar aðstæður þannig að við gerum þetta í rólegheitunum.
Við hvetjum ykkur til að prófa ykkur áfram tímanlega.

Við minnum á neyðarsíma samtakanna: 832 3400

Með kærri kveðju,
Birta landssamtök

Nokkuð hefur verið spurt um stuðningshóp á vegum Birtu.

Vek athygli á opnu húsi Birtu þriðjudaginn 13. marz n.k. kl. 20:00 í Grafarvogskirkju. Þar mun Gréta Jónsdóttir vera með fræðslu um sorg systkina.

Heitt á könnunni að vanda.

Beztu kveðjur

F.h. Birtu landssamtaka

Sveinbjörn Bjarnason

Kæru Birtu vinir

Kæru Birtufélagar

Kæru Birtu vinir

Kæru vinir

Kæru Birtu félagar

Þriðjudaginn 12. september n.k. verður fyrsta opna hús hjá Birtu. Það verður í Grafarvogskirkju og hefst kl. 20:00. Kristín Kristjánsdóttir, djákni, mun flytja okkur fræðslu en auk þess að starfa sem djákni þá hefur hún mikla persónulega reynslu, hefur bæði misst barn og barnabarn.

Við hlökkum til að hitta ykkur.

Allir velkomnir.

Beztu kveðjur

F.h. Birtu landssamtaka

Sveinbjörn Bjarnason

Kæru félagar Birtu.

Dagana 17. og 18. ágúst næstkomandi verður Birta með bás á Fit & Run sýningunni í Laugardalshöllinni. Við hvetjum ykkur til að kíkja við hjá okkur í Höllina og njóta viðburðarins.

Ef einhver vill rétta hjálparhönd þá tökum við hjá stjórninni öllum fagnandi 🙂

Á laugardeginum, 19. ágúst, verður svo Reykjavíkurmaraþonið og að sjálfsögðu stöndum við hjá Birtu vaktina en við verðum með hvatningabás ásamt öðrum góðgerðarfélögum þar sem við ætlum að vökva keppendur.

Birta þakkar þeim sem heita á félagið enda vitum við hversu mikilvægt starf Birtu er. Hægt er að heita á Birtu á þessari slóð:

https://www.hlaupastyrkur.is/…/charity/237/birta-landssamtok

Þið megið gjarnan deila áheitasíðunni áfram 🙂

Á síðasta aðalfundi Birtu voru veittar tvær viðurkenningar fyrir frábæran árangur í Reykjavíkurmaraþoninu árið 2016.

Viðurkenningu fengu hlaupahópur Jennýjar Lilju og tóku Rebekka Ingadóttir og Gunnar Lúðvik Gunnarssson foreldrar Jennýjar Lilju við viðurkenningunni.

Fanný Kristín Heimisdóttir tók við viðurkenningu fyrir sína hönd en hún hljóp í minningu sonar síns.

Við þökkum þessu flotta og kraftmikla fólki fyrir þeirra frábæra og óeigingjarna framlag.

Með kærleikskveðju,

Stjórnin

Kæru Birtu vinir